ବଲିଉଡ ଅଭିନେତ୍ରୀ ନୀନା ଗୁପ୍ତା ଆଜିକାଲି ଚର୍ଚ୍ଚାରେ ଅଛନ୍ତି। କିଏ କିଏ କହୁଛନ୍ତି ସେ କୁଆଡ଼େ ଗର୍ଭବତୀ ଅଛନ୍ତି। ଏସବୁ ଚର୍ଚ୍ଚା ମଧ୍ୟରେ ନୀନା ମୁହଁ ଖୋଲିଛନ୍ତି। ଏବେ ଏତିକି ଶୁଣିବା ବାକି ଥିଲା। ଏଥିରୁ ଆମ ସମାଜର ପ୍ରଗତି କେଉଁଆଡ଼କୁ ଗତି କରୁଛି ତାହା ଜଣାପଡ଼ୁଛି। କିଛି ଦିନ ପୂର୍ବରୁ ନୀନା ହାଇଦ୍ରାବାଦରେ ରଶ୍ମିକା ମନ୍ଦାନା ଏବଂ ବିଜୟ ଦେବରକୋଣ୍ଡାଙ୍କ ଦ୍ୱାରା ଆୟୋଜିତ ବିବାହ ରିସେପ୍ସନରେ ଯୋଗ ଦେଇଥିଲେ। ଏହାର କିଛି ସମୟ ପରେ ଇଣ୍ଟରନେଟରେ ଖବର ପ୍ରସାରିତ ହେବା ଆରମ୍ଭ ହେଲା ୬୬ ବର୍ଷୀୟା ନୀନା ଗର୍ଭବତୀ ଅଛନ୍ତି। କାରଣ ସେ ତାଙ୍କ ପେଟରେ ହାତ ରଖି ପୋଜ ଦେଉଥିବାର ଦେଖାଯାଇଥିଲା।
ଏସବୁ ଚର୍ଚ୍ଚାକୁ ନେଇ ନୀନୀ କୁହନ୍ତି, ମୁଁ ପିନ୍ଧିଥିବା ଶାଢ଼ିର କପଡ଼ା ବହୁତ ମୋଟା ଥିଲା। ତେଣୁ ଭୁଲ ବୁଝାମଣା ସୃଷ୍ଟି କରିଥିଲା। ମୋ ବୟସରେ ଗର୍ଭଧାରଣ ଚର୍ଚ୍ଚା ପ୍ରକୃତରେ ମଜାଦାର ଲାଗିଥିଲା। ଏହା ସୂଚାଇ ଦିଏ ଯେ ଆମର ସମାଜ ଏବଂ ଦେଶ ସେମାନଙ୍କ ମାନସିକତା ଦୃଷ୍ଟିରୁ ପ୍ରଗତି କରୁଛି।
ନୀନା ବେଶ୍ ସ୍ପଷ୍ଟବାଦୀ। ୧୯୮୦ ଦଶକେ, ସେ ପ୍ରସିଦ୍ଧ ୱେଷ୍ଟଇଣ୍ଡିଜ କ୍ରିକେଟର ଭିଭିଆନ ରିଚାର୍ଡସଙ୍କ ସହିତ ସମ୍ପର୍କରେ ଥିଲେ। ସେହି ସମୟରେ ଝିଅ ମସାବା ଜନ୍ମ ହୋଇଥିଲେ। ୨୦୦୮ରେ ସେ ଦିଲ୍ଲୀର ଜଣେ ଚାର୍ଟର୍ଡ ଆକାଉଣ୍ଟାଣ୍ଟ ବିବେକ ମେହରାଙ୍କୁ ବିବାହ କରିଥିଲେ।
